عزيز الدمع

يابعيدٍ باختياري ما عليك الشوق هدّا

لا عزيز الدمع فاد ولا مرور الوقت فاد

ما حدٍ غيرك فبالٍ كل من مرّه تعدّا

ياعظيمٍ فالملاقى وياعظيمٍ فالبعاد

ذاخرٍ قلبي لقلبك لو مقاديره تردّى

ما يبي غيرك وليف و عن جميع الغيد صاد

ايه احبّك مثل روحي واعشقك جدًّا وجدّا

كن ما كان بوداعك جرح ودموع و سهاد

الوكاد.. اني ندمت و ماحدٍ غيرك مبدّا

والفطين اللي لمح نزف غيره واستفاد

يا نبيه الناس شفني جابني وجدي و ودّا

في حبيبٍ كان في صدري وضيّعته عناد

لا لقيت الحب صافي سوق له روحك تفدّا

فالهوى مَرّه يمرك وان خسرته ما يعاد