طريق الساحل

في طريق الساحل اشلى.. واذكره.. وانثر قصيد

يبتدي حرفٍ يوانسني وحرفٍ يبتلي

ذكرياته ما تغيّب.. وآنا ذاكرتي حديد

والبلا كل الاحاسيس القديمه جات لي

قيّدتني فالهوى من فوق قيد وتحت قيد

والمقيّد في هواها ضيقته ما تنجلي

من محايل لين جده.. أنهر الدمع و يزيد

ليت من هو بك تلمّح يا بحر جدّه شلي

ياحبيب البارح وخاطر عيوني.. لا جديد

في غيابك كل دمعه حوّلت تشره علي

الندم حوّط خفوقي من قريب و من بعيد

ما جرى من سيّ حظي؟ ولا من سيّ اعملي؟!

كلّ فرصة جات لك لابد لك حِذْرٍ شديد

اغتنامك للفرص عكس اغتنامك للحلي

كيف ابسلى عن عيونك يا هوى عبدالمجيد

وانت عشقك يا "رضى الرحمن" من زود اجهلي

الوحيد اللي ملكته صار من عقبك وحيد

والفراق اللي بديته طاب لك ما طاب لي