سديد الراي

انا عاشق.. وانا هايم.. وانا دايم سديد الراي

ليا حبّيت احبّ اللي عنّ العالم يكفّيني

الا يا حلوتي و اجمل مقاديري واهم اشياي

تبيني لك؟ معنّي لك واحبك يا مداريني

انا كلي تمنّيتك وصار الحلم في يمناي

وما فوّقني الا رعشت يدينك بيدّيني

احبك ياكمال الخلق.. ي احساس الدفاء والناي

احبّك.. واشتهي شوفك.. وآعَرفِك ميّته فيني

احبك لأبعد حدودي ومن غيرك يجيب اقصاي؟؟

خبرت ان بي جلافة قلب.. اثر من شافك يْليني

غريب اني ولفتك من عرفتك يا فجر دنياي

و غريب ان طبعنا واحد كأنك بيني وبيني

حسف عمرٍ قضى وانتي بعيده منتي بْ ويّاي

سنينٍ مَ جْمعتني فيك ابشلعها من سنيني

هوى قلبي وترنيمه وغاية روحي وْ مشهاي

عسى ربّي يخلّيك وعسى ربي يخلّيني

دعيت الله يحييني.. وجيتي تلبيه لدعاي

وانا للحين ميّت بك.. عسى ما الله يحييني

انا للحين ميّت بك عسى ما الله يحييني