حلم اللقاء

النسيم الفى وجَو الليل رايق

فزّ شعرٍ مبطيٍ عنّه وعنّي

الهواء هفهف على صدر متضايق

غنّ يا صدرٍ هواجيسه تغنّي

دام ربّي لأطيب الارزاق سايق

وش علي ان خالفت دنياي ظنّي

يالحنين اللي ورا القلب اتوايق

زمّ نفسك في حشا صدر المعنّي

الحزن ضيف ومقدّر فالوثايق

العمر بيته مدام انّه زبنّي

واليتم مبطي وهو ساس الحرايق

الفتيله ولّعٍ ثمّ احرقنّي

واحد وْ لا لي شفوفٍ بالخلايق

شايلٍ حلم اللقاء من صغْر سنّي

يا شعورٍ بين وهمي والحقايق

راح نصف العمر عايش بالتمنّي

والقصيد اللي حبكته في دقايق

صار ياخذ معظم اليوم منّي