لا تجسّ النبض

لا تجسّ النبض يا نبض الهوى

لي خفوق بعد شوفك مستثير

يا مليك الخافق و كل ما حوى

يا مقادير الهنا يا "وجه خير"

ساقك الله توهب الدنيا ضوى

من عرفتك غيهب المعنى ينير

قلب مسّيته يروّعه النوى

صار مجنونك فخيرك ولاّ ضير

من تحبّه ورد عمره ما ذوا

قلب بايعك الهوى ما يستخير

يا أرق الناس و أعظمهم هوى

اشهد ان الحبّ لك سرّ وجهير

و عن غلا غيرك ترا ماله لوى

ماحدٍ يجرا.. مقاسمك العشير

لا يجيك الشك مبهوت الثوى

لا هوى قبلك ولا بعدك خشير