محتاج رقّة

محتاج رقّة تليّن قلبي القاسي

قلبٍ قست ثومته ما يعرف التوبه

البارحه كنت اسجّ الرجل متناسي

واليوم ياخوك كنّ الرجل معيوبه

كل البلاوي عبث طاحت على راسي

الله من حظّي اللي بان عذروبه

والله لأقنط واسبّ الوقت والناسِ

لولا المقادير عند الله مكتوبه

راضي بدورات الايام و قسى الباسِ

وراجيٍ ربّي يْسوق القدم صوبه

تدري وش اقسى حجر من المعدن الماسي ؟

قلبٍ له سنين ما هفّ الهوى ثوبه