نسيم الليل

نسيم الليل خمّد جمر من شوقي غدى ملهوب

ثلاث سنين.. عمري عند باب الحظّ يتسوّل

ضحك وجه السماء ولّا تهيّا موعد المحبوب

ملامح هالمساء ماهي ملامح عادته اوّل

تلاقينا وباب الحلم من ورد الهوى مخضوب

تلاقينا واظن بشيء فاقصى روحي تحوّل

تلاقينا وفاح المسك من صدرٍ يهفّ الثوب

تلاقينا وبدت قصة غرام العمر تتأوّل

تهادت وابتدى نبضي يشيل بْسامر ومسحوب

وحاكتني وانا مدري بأيّة علمٍ اتقوّل

خشع قلبي وتاهت كلمتي من رقّة الاسلوب

احاول انظم حروفي وانا بالعاده آموّل

حكت ما كنّي الشاعر كأني منصت و مسلوب

واقول اللي حصل تأثير عابر ماهو مْطوّل

مضى عمر اللقاء تايه ما بين النحر للعرقوب

واشوف الورد يتكلّم واشم الحلم يتجوّل

وتتكلم وتتكلم وتشعل خافقي ويذوب

واضم يدينها واحلف.. حرام ان العقل حوّل