جلمود حيل

لا عبس وجه الحقيقه وابتدى ظلم الحياه

وقتها يصمد عزيز النفس والباكي ذليل

طالما صدر الصراحه باح.. ما قلبي خشاه

قلت عالحب السلام وبتركه تركٍ جزيل

الوفاء ماهو يدرّس.. الوفاء طبع النزاه

لو تثيره مغرياته ما نزيهٍ يستميل

الكلام اللي بدا علّم على ذلّ الجباه

لو جفيت اللي جنى.. والله ما اعوّد خليل

كل بحرٍ هايبينه.. تكسر شْموخه حصاه

وانا لي قلب قوي ما يكسره عابر سبيل

باكر يبين الصحيح وكلٍ يلاقي جزاه

من كذب يلقى شبيهه والوفي يلقى بديل

الرحيل اللي نهابه.. غاية القلب و مناه

قلبي اللي ما عشق غيره يسابق عالرحيل

رح فمان اللي خلق حبك ومأتمه و عزاه

و عظّم الله أجر قلبٍ كان بعيونك ذهيل

الخيانه تهزم اشباه الرجاجيل العراه

مستحيل تهز مثلي شامخٍ جلمود حيل