حنون الوقت

حنون الوقت دام انّه جمعني بك بلا ميعاد

صواديف العمر ساقت هواي لشفّه الطاهر

حبيبي جابِتك صدفه عظيمة والله اللي راد

ولا يستاهِلك قلبٍ يضيّع وهبة القادر

انا متزهّبٍ لك بالوفا دام المحبه جهاد

وانا كتفك ليا مالت حياتك والزمن غادر

احبك شمسٍ وغمّه.. واحبك بالرضا و عناد

انا احبك رغم انف الظروف وسعدي العابر

حبيبي لا عناك الشوق فغيابي.. بقلبك ناد

حرام انّه يلبّي لك خفوقٍ وافيٍ نادر

عسى جمر الغلا لا طالت ايام الهوى وقّاد

وتعيشي في ذرى عمري سعاده مالها آخر

و انا احبك ولابد الهوى واضح بدون حياد

احبك انت دون الناس.. لأنّك حظّي الوافر