نبرة جفاه

والله انه ما كسرني شيء من اشياء الحياه

الا يوم تقول احبك واسمع بصوتك وداع

لو تبسّم! لو تلطّف! نبرتك نبرة جفاه

صوت احبك ما روت ضامي ولا عشّت جياع

من ثلاث شهور ادري حلم نصف العمر تاه

واوهم القلب وْ أغَصبه حيل قدر المستطاع

من ثلاث شهور اشوف الوقت يهدم ما بناه

اخ من طيش الزمان ان طال: سَر! وان طال: لاع!

ياظلوم أرخص حبيب بْعزّ حاجتْه احتواه

ساق لك روحه هديّه روح لا تشرى وتباع

كنت أظن أللي بيرحل مستحيل أطرد وراه

واثق ان قلبي على فرقى محبيّنه شجاع

وهذا قلبك ناويٍ يرحل ولا تفرق معاه

وهذا قلبي -بسّ من نيّة- وصل حدّ الضياع

آخ يا قوّ الكسور و آخ يا ظلم الحياه

يوم اشوف الحبّ كلمة واسمع بعيني الوداع